काळ्या खोल दऱ्या ......

काळ्या खोल दऱ्या जिथे प्रेम नाही

नरकवास याहून भला कथिला कुणीही ?

परमार्थज्ञानफल हेच जर विधिलिखित

व्यर्थ भुसा कुटणे स्वयं ब्रह्मा वदित !!१!!



वाचे यदा मी अनेकभक्तचरित्रे

प्रेमाविना न दुसरे दिसलें तयातें

ह्रदि आर्तताच आवडे ईश्वराला

त्याहून अन्य पूजा न मागे स्वतःला !!२!!



वेदान्तग्रन्थ पठतो नित्य सावित्री जपतो

परंतु सदा मी केवळ घसा श्रमवितो

आत्मा ह्या द्विशब्दासह न ऊठे प्रेम जरि ही

होणार कसे ध्यान, कथे स्वतः वेदान्तधी ही !!३!!



समर्थ बोलले महाप्रेम करूणाष्टकांत

नेत्री न ये रे तुजवीण निद्रा म्हणून

अशी भावना कवे होईल माझी ?

आत्मदर्शनास्तव झोप जाईल माझी? !!४!!



रामकृष्ण ही वदले वचनामृतांत

स्वतःसाठी केवढे रडतो विचार मनास !

वाहेल का अश्रूधार बघण्या ईश्वरास ?

ही द्विरामवचने मी पुसतो स्वतःस !!५!!